ipan ini amakamanali tipantis nochi amatl tlen kipia ma kimatis nochi masewalmej, nochi pewaltijtok ipan weyiamakamanali tlen mexkotlali , weyi amatlanawatili tlen mits manawile, keijni sankej okseki tlalimej.
Amatl tlen nochitlaltepaktle
Nochitekitl para makixtise se amatl tlen welis momanawis nochi masewaltlakamej mopewaltijke ipan sempowali wan kaxtoli xiwitl kema ipan 1982 pewaltijke ini tlamantlik wan kipiyayay miaj xiwitl tlen matlasenkawaj, wan ini pewaltia ipan 13 tlen septiembre tlen 2007.
Ini amatl kijtowa miaj tlamantlik sankej masewal kipia monextis kuale itlaneltokilis itlaixmatilistle wan teemaxtilistle, kampa welis tekitis wan okseki. Ini amatl kijtowa tlen masewalmej welis ma tekiti wan kitlaneltokase kampa ijwanti kineki wan axaka welis ma kitsakuilise yekaj.
nochi tlakatelpokamej kalajki ipan CNUDPI wan tlawetl matekitijtikate para ma selia nochi tlanawatiyanij. Ini telpokamej ma tekitijtika para nochi ini teemaxtilistle welis mamotlalis wan moselis ipan nochi tlaltepaktle .
amamej tlen mexkotlkali
nochi masewaltlajtolmej ewani wan kiseli mexkotlali wan masewalmej welis ma kamatis intlajtolwa wan ini amatlanawatili kineki ma kualchiwas wan manawise nochi tlen ajika kikamati se tlajtoli, wan masewalmej para mawelise. Nochi masewaltlajtolmej kipia ma nochipa kamanalise wan kiteemakase , wan nojwa ipati tlen masewali kimaxtia ikonewa, ini amatlanawatili kipalewia nochi ma kamowia.
ipan tlajkomexkotlali kipia makalakise nochi tlaneltokilis tlen masewaltlalimej wan masewaltlaixmatilistle wan xochitlamantlik tlen injwanti kichiwa , tlen kichantika ipan nochi tlajkomexlkotlali, para ini axmopolowa kema xiwitl nejnemis wan ini welis kipixtos nochi manawilili tlen kimakaya tlanatiyanij tlen tlajkomexkotlali.
Kema mo chijchijke amatlanawatili CPEUM para masewaltlajtolmej pewaltijke se yankui kawitl para makualchiwase wan kuali chijchiwa nochi masewaltlajtolmej.
